Geschwister\Schreibe

Szenen aus Landschaften des Alters

Senior Lab Zürich im Kulturmarkt, 2022

Ist das Alter die wahre Jugend, wo sich neue Lebensräume von selbst auftun? Wo die Zeit eng wird, dehnt sich möglicherweise der Raum. Gerade Alternde können – entbunden von verblassenden Rollenbildern und in fröhlicher Narrenfreiheit – die terra inkognita ihres ureigentlichen Wesens entdecken.

In seiner neuen Produktion nimmt uns das Senior Lab mit in einen theatralischen aufwachraum, so sich saftige Lebensträume in knallharte Selbsterkenntnisse verwandeln. Und natürlich umgekehrt!

Textprobe

Wälte 

Hallo!!! --- Ghörsch du mich? --- Was seisch? Wie dur Watte! Das isch blöd! --- Nei, ich ghöre dich zimmli dütlech, aber gseh tuen ich dich nur näbulös! – Was seisch? Du läbisch ganz nöime andersch? Es gäb meh als nume ei Wält? --- Die dritt Wält! Klar, immer no! --- Die viert Wält, die füft Wält, de Mond, de Mars! --- Am Schluss land’ich bi de Hobbits und du bi de Aliens --- Nei, zum Lache isch das nöd. --- Wieso? Will’i dich kuum ghöre! Will du mich nöd gsehsch. Will ich mier nöd cha vorstelle, i was fürere Wält du läbsch! Wie sich dini Wält aafühlt. --- Was? Wie Schuumgummi! Grässlech! --- Wie n’es Bienehuus? Wie n’es Ruumschiff vo Star Wars? --- Einsam? --- Aha, eher verruckt! --- Voll vo blinkende Lämpli met lange Häls wo uf zwei Bei umegumped. Voll vo Müüler, wu du drinne chasch schlofe wie imene Bett! --- Was? ---- Ich söll emol uf Bsuech cho?! Jo, das isch liechter gseid als gmacht!

Anthropozän

Är seid: Mundhöhli. Sie seid: Chnüükehle. Är seid: Bruschtchorb. Sie seid: Gebärmuetter. Är: Näschtwärmi. Sie: Fuessgwölb. Ihr säged: Berüehrigsängscht. Mier: Massenuuflauf. Är: Aanöcherig. Hirngespinscht. Beckebode. Scheuklappe. Rüefwieti. Chrüüzfüür. Usenandersetzig. Impulskontrolle. Symbiose. Bluetlääri. Schlammschlacht. Schpezialoperation. Kalkulierti Chriegsfüerig – Stopp! Ich cha nümm! Das isch doch kei Perschpektive!

Chumm, mier fönd afo graabe i de Ziit: Oh, Ratteschwanz! Affechelti, Warteschlange! Ond do: Bärehunger, Lammfrömmi, Platzhirsch, Schluckschpächt, Glückschäfer. Juhuu: Söiornig, Krokodilsträäne, Luusmeitschi, Hundstääg, Ängelsgeduld, Satansbroote. Los doo: Schpatzehirni, Hüehneraug, Schtolzgüggel, Muskelkater, Pferdeschtärchi. Oder Schnapsdrossle, Chatzejommer, Ameisestaat, Bärgfloh, Wurmfortsatz, Froschperschpektive. Jetz wohlets mer langsam, aber sicher!